கிராமத்துக் கதை

கிராமத்துக் கதை

Listen to கிராமத்துக் கதை... அன்றங்கே ஒரு நாடிருந்ததே

தொலைந்துபோன எமது கிராமங்களுக்குச் சமர்ப்பணம்

Song : Pandengadoru Naadundarnne...

Drama : Pakida [ 2018 ]

Lyrics : Muhad Vembayam

Music : Sebi Nayarambalam

Singer : Resmi Sateesh 

நன்றி: PG Saravanan & Aswad Shariati 

அன்றங்கே ஒரு நாடிருந்ததே 

அந் நாட்டில் ஆறிருந்ததே 

ஆறு நிறைய மீனிருந்ததே 

மீன் முழுகிடக் குளிரிருந்ததே 

அன்றங்கொரு வயலிருந்ததே 

வயல் முழுவதும் கதிரிருந்ததே 

கதிர் கொத்திடக் கிளி வந்ததே 

கிளிகள் பாடும் பாட்டிருந்ததே 

அந்நாட்டில் வெயிலிருந்ததே 

மண்வழியில் மரமிருந்ததே 

மரத்தடியில் பேசிச் சிரித்திட 

நண்பர்கூட்டம் நூறிருந்ததே 

நல்ல மழை பெய்திருந்ததே 

நரகதீ சூடில்லையே 

தீவட்டிக் கொள்ளையில்லயே 

தின்றதெதுவும் நஞ்சில்லையே 

ஒரு வீட்டில் அடுப்பெரிந்தால் 

மறு வீட்டில் பசியில்லையே 

ஒருகண் கலங்கி நிறைந்தால் 

ஓடிவரப் பலருண்டங்கே 

நாடெங்கும் மதில்கள் இல்லையே 

நடைவெளி இடைவெளி நூறிருந்ததே 

நாலுமணிப் பூ இருந்ததே 

நல்லோர் சொல்லுக்கு விலையிருந்ததே 

அன்றும் பல மதம் இருந்ததே 

அதையும் தாண்டி அன்பிருந்ததே 

உன்னைப் படைத்தோன் என்னைப் படைத்தோன் 

என்றதொரு சண்டை இல்லையே 

அந் நாட்டைக் கண்டவருண்டோ 

எங்கே போனது தெளிவுண்டோ 

அந்நாடு இறந்தே போனதோ 

அது வெறும் ஒரு கனவானதோ